Transcription

Monseigneur, despuys ma lettre que je vous envoye hier, jay receu la

votre du XIIe avec la reponse de monsieur le tresorier de l’Espargne à monsieur Muzy

et vosz lettres au sieur Arnolphini. Jay parlé à monsieur le president de Portes

pour la partie de de monsieur Narcye qui assemble ses deniers comme j’entendz

et dans ceste sepmaine il me la doibt fournir.

[barré : La]

Ledit Muzy ma

remonstré quil na faict encores aucune recepte, mais que dans

la fin de ce moys il me la fournira. Je len solliciteray.

Quant audit Arnolphini, par le premier je luy escripray et à Guyot Henry,

pour adviser à le contenter sil se peut faire. Je nay point dargent

à Lyon, ne Lyonne. Aussi encores reste il de scavoir de quelle

raison on luy payera les IImVIIc L escuz, car je ne voy quelz escuz ce

sont, et sans vous mentir ledit Lyonne, ne moy, navons point

d’or. Votre partie de Xm livres ma esté fournie en testons et pièces

de IIs VId et je craings bien fort que qui aura à payer en escuz

on les tiendra à Lyon à bien hault pris comme de plus de X l[ivres] VI s[ous]

la pièce. Je verray quelle nouvelle et responce jen auray dudit

Lyon. Jescriray aussi à monsieur de Langes pour la partie de IIm l[ivres]

à ce quil la face fournir audit Arnolphini et vous en feray responce.

Jay parlé à celluy qui me bailla le billet que je vous ay envoyé, ung

jeune homme comme luy craint destre allegué. Vous verrez quelz propoz

furent tenus.

Monseigneur, je me recommande bien humblement à votre bonne grace et

à monsieur de Venes qui vous a aporté une bien estrange lettre. Je

plaings bien grandement la peyne où vous estes et celle où

je voy comme chacun entre. Dieu nous soit à tous en ayde, et vous

donne bon cueur et bonne fortune et en santé longue et

heureuse vye. De Grenoble, ce XIIIIe de mars 1574

Votre très humble et hobeyssant

serviteur

Prunier

Texte diplomatique

[1] Monseigneur, despuys ma lettre que je vous envoye hier, jay receu la [2] votre du XIIe avec la reponse de monsieur le tresorier de l’Espargne à monsieur Muzy [3] et vosz lettres au sieur Arnolphini. Jay parlé à monsieur le president de Portes [4] pour la partie de de monsieur Narcye qui assemble ses deniers comme j’entendz [5] et dans ceste sepmaine il me la doibt fournir.

[barré : La]

Ledit Muzy ma [6] remonstré quil na faict encores aucune recepte, mais que dans [7] la fin de ce moys il me la fournira. Je len solliciteray. [8] Quant audit Arnolphini, par le premier je luy escripray et à Guyot Henry, [9] pour adviser à le contenter sil se peut faire. Je nay point dargent [10] à Lyon, ne Lyonne. Aussi encores reste il de scavoir de quelle [11] raison on luy payera les IImVIIc L escuz, car je ne voy quelz escuz ce [12] sont, et sans vous mentir ledit Lyonne, ne moy, navons point [13] d’or. Votre partie de Xm livres ma esté fournie en testons et pièces [14] de IIs VId et je craings bien fort que qui aura à payer en escuz [15] on les tiendra à Lyon à bien hault pris comme de plus de X l[ivres] VI s[ous] [16] la pièce. Je verray quelle nouvelle et responce jen auray dudit [17] Lyon. Jescriray aussi à monsieur de Langes pour la partie de IIm l[ivres] [18] à ce quil la face fournir audit Arnolphini et vous en feray responce. [19] Jay parlé à celluy qui me bailla le billet que je vous ay envoyé, ung [20] jeune homme comme luy craint destre allegué. Vous verrez quelz propoz [21] furent tenus. [22] Monseigneur, je me recommande bien humblement à votre bonne grace et [23] à monsieur de Venes qui vous a aporté une bien estrange lettre. Je [24] plaings bien grandement la peyne où vous estes et celle où [25] je voy comme chacun entre. Dieu nous soit à tous en ayde, et vous [26] donne bon cueur et bonne fortune et en santé longue et [27] heureuse vye. De Grenoble, ce XIIIIe de mars 1574 [28] Votre très humble et hobeyssant [29] serviteur [30] Prunier

Lettre:	1633
Texte:
Ligne:
logged as :	Login First

Consultation

Transcription

Texte

MetaDonnées

Laisser un signalement sur le texte